Саха Кэнгириэһин Сийиэһин болдьоҕо быһаарылынна!

Бэҕэһээ, ыам ыйын 26 күнүгэр чэппиэргэ киэһэ 18.00 чаастан «Азимут» (урукку «Полярная звезда»), Ленин уул. 24, гостиница 2 этээһигэр баар «Москва» конференц-саалатыгар Саха Кэнгириэһин Сүбэтин сирэй (очно) уонна зуум нөҥүө мунньаҕа буолан ааста.

Көрүллүбүт боппуруостар:

Саха Кэнгириэһин Сийиэһин:

болдьоҕун;
мунньахха ыҥырыллар дьон ахсаанын;
-улуустарынан квотаны
быһаарыы.

Саха Кэнгириэһин сийиэһигэр Саха Кэнгириэһин Сүбэтин аатыттан Сүбэ уонна правление дьонун ахсааныгар этии киллэрии.
Саха Кэнгириэһин председателигэр кандидатуралары дьүүллэһии.
Араас.

Саха Кэнгириэс аныгыскы уочараттаах сийиэһэ бэс ыйын 27 күнүгэр Дьокуускай куоракка буолара , саха бар дьонуттан 300 делегат талыллара быһаарылынна.

Ньурбаттан ватсабынан кэллэ:

2022 һыл. Ыам ыйын 27 күнэ.
Бээһээ киэһэ 6 чааска Һырай уонна кэтэхтэн-zoom нөҥүө Һаха Омук 3- һүс Конгреһын Һүбэтин мунньаҕа буолла. Онно ол 3 һүс Конгресспыт һалалтата Конгресс 3 һыллаах үлэтин түмүгүн кэпсэтии тэрийии туһунан һүбэлэстибит. Бигэргэтиллэ билиниллэ илик Устааппыт быһыытынан Һаха Омук Конгреһа 3 һыл үлэлиэхтээх. Ол болдьоҕо быйыл 2022 һыл олунньуга бүппүтэ. Хамсыкка хаайтаран онон олунньуга түмүктүүр мунньах буолбатаҕа. Көһөрүллэн-бэс ыйын 27-28 күннэригэр буолар буолла. Һахалар бары билэбит-мин кыһын ол туһунан хаста да һуруйбутум-һаха омук бастакы уонна иккис Конгресстара кыайан үлэлээбэтэхтэрэ-:-
1- кы Конгресс 1992 һыл тэриллэн баран 15 һылы быһа » утуйбута».
2- ис Конгресспыт 2007 һыллаахха тэриллэн баран эмиэ 12 һыл » утуйбута».
Ол иһин 2019 һыллаахха үөһэттэн алларааттан туруорсан-хабарҕалаһан 3- һүс Конгресс тэрийбиппит. 400 чэ илдьит ыҥырыллан-талыллан баран Конгресска 300- чэкэ эрэ киһи кыттыбыта. 100- чэкэ ньыгыл куомуннаахтар утарсаннар Конгреһы ыһа-тохтото һатаабыттара -табыллыбатаҕа. Холобур Ньурба улууһуттан 23 илдьит талыллыбытыттан 14 эрэ илдьит Конгресска кыттыыны ылбыппыт. Туох баар ньыгыл куомун дьоно бүтүннүү һаспыттара!- бэйэм улууһум ньыгылларын баҕас ааҕа билэбин буоллаҕа!- ааспыт Конгресс туһунан 1 ый анараа өттүгэр ол Ньурба ньыгылларын тойонун аатын кытта ааттаабытым. Онон һаха омук таҥнарыахсыттарын ааттыахпын да баҕарбаппын. Онон-:- Конгресспыт тыыннаах! 3 һыл устата һин үлэлээтэ-ордук үөрэхтээһин өттүгэр күүстээх үлэ барбытын илэ билэбин-Вилюяна Никиитина һалайааччылаах комитета. Ил тутулун көмүскээһиҥҥэ эмиэ күүстээх үлэ барбыта-Ил Түмэҥҥэ 70 илдьити тыыннаах хаалларар туһуттан Кремили утары киирсиигэ арааһа хотуулаах хааллыбыт быһыылаах. Экология өттүгэр Аммаҕа маһы кэрдиини утаран уонна бүтүн Һаха Һирин үрдүнэн уот туруутун утары Конгресс көхтөөх дьоно эмиэ күүскэ үлэлээбиттэрэ-көҥүл бөлөхтөрү тэрийиигэ,хаччы хомуйууга эҥин. Итэҕэлгэ үлэ барбата-ону чопчу билэбин. Онон 1- кы уонна 2- ис Конгресстарга холоотоххо һин хоннохтоох үлэ барбыт курдук. Атыннык эттэххэ-:- һаха омуга туспа омук быһыытынан һитэр-хотор өттүгэр биир дьоһуннаах хардыы оҥоһулунна-диэххэ һөп. Ону оттон 2022 һыл бэс ыйын 27-28 күннэригэр түмүк мунньах түмүгүнэн кэтээн көрүөххэ һөп. Бээһээҥҥи Һүбэ мунньахха 45 киһи кыттыахтаахтааҕыттан 30- ча киһи эрэ кытынна. Чурапчыттан -Һомоҕо-диэн киһини биллим. Лиэнскэйтэн-Саморцев Алексаандры. Мэҥэттэн-Зиноовийы. Үөһээ Бүлүүттэн Бурхалеей баар курдук. Жаанна Бараашкова эмиэ Чурапчы быһыылааҕа-баар этэ. Уоннааҕыларын билбэппин. Киин куораттан Һырай мустууга арааһа-18 киһи кэлбит-диэтилэр быһыылаах. Зуумунан да кыттыбыттар бааллар этэ. Эдэрдэр бааллар. Онон оттон аны 1 ыйынан түмүк мунньахха кыттан һаха омуга төһө һиппитин -хоппутун көрүөхпүт. Татаардарга,башкиирдарга холоотоххо биллэн турар-мөлтөх һоҕуспут быһыылаах. Ол эрээри оонньоон Һаҥа атаҕар тура һатыыр оҕо тэҥэ буоллахпыт-3 һаастаах. Тоҕо диэтэххэ-:- 1 кы,2- ис Конгресстар үлэлээбэккэ -УТУМ БЫСТЫБЫТ. Онон утумнаах үлэни 2019 һылтан ааҕыахха һөп. Конгреһы өлөрбөтөхпүтүнэ табыллар. Билиҥҥитэ туруорсааччылар-хабарҕаһыттар баар курдукпут. Һалгыы үлэлээн истэхпитинэ көстөн иһиэҕэ. Билиҥҥитэ олохтоохтор уһукта иликтэр-дии һаныыбын. Ол эрээри ыарахан кэмнэр ааҥнаан кэлэн тураллар-онно һаха омук интеллигенцията киирсэргэ-туруулаһарга бэлэм курдук-мин көрөрбүнэн.
Онон һанаабытын түһэрбэппит-Ньурбаттан Бигэ Өрөкүй Бааһынай уола.
2019 һылтан һаха омук 3- һүс Конгреһын Сүбэһитэ,1999 һылтан Ийэ Тыл көҥүл түмсүү көхтөөх кыттааччыта,2021 һылтан һаха омук Итэҕэлин түстэһээччитэ. 2022 һыл. Ыам ыйын 27 күнэ. Үлэ бэһис күнэ

Саха Кэнгириэс бэрэссэдээтэлэ Иван Иванович Шамаев этиитэ: