Бүгүн 2022 сыл алтынньы ый 16 чыыһылатыгар — Саха Сирин Ийэлэрин күнүгэр, мин кэргэним Чара күн-күбэй ийэтин Чердонова Варвара Семеновнаны ахтан — санаан ыллым.
Варвара Семеновна 1940 сыллаахха атырдьах ыйын 1 күнүгэр Уус-Майа улууһун Күп нэһилиэгин Дьэкимдэ өтөҕөр биир бэккэ убаастанар, ытыктанар Сэмэн уонна Сүөкүлэ Атлааһаптар дьиэ кэргэннэригэр 3-с о5онон төрөөбүтэ.
О5о сааһа төһө да сэрии ыар сылларыгар тубэстэр, төһө да тиийиммэт-түгэммэт кыһал5атын биллэр, Варя5а син-биир ойор күннээх оонньуур-күлэр о5о сааһа баара. Бааллара тапталлаах эдьиийэ Мария, убайа Арамаан, бааллара бииргэ мэнигилээн улааппыт о5о сааһын до5отторо, бааллара кистэлэҥи эрэнэр истин дьүөгэлэрэ.
Варвара Семеновна Күп алын сүһүөх оскуолатын бутэрбитэ, онтон салгыы Эдьээн 7 кылаастаах оскуолатын бутэрэн, аны үргүччү Уус-Майа орто оскуолатын интэрэнээккэ олорон бүтэрбитэ.
Икки сыл Эдьээн уһуйааныгар воспитателынан улэлээн баран Дьокуускай куоракка Центральнай ВУЗтар комиссияларыгар туттарсан аатырбыт Жданов аатынан Ленинградтаа5ы государственнай университетка географическай факультетка киирэр. Ити 1961 биир сыл этэ.
Иккис куурсун бутэрэн баран Варвара Семеновна Москва Тимирязев аатынан сельхоз академия5а үөрэнэр эдэр, кэрэ бэйэлээх Марат Васильевич Чердоновтыын билсиһэллэр уонна түөрт сыл до5ордоьуу, таптал иэйиитигэр сылдьаллар. Оччотоо5уга Марат үөрэ5ин бутэрэн, комсомол райкомун секретарынан Өлүөхүмэ5э улэлиир уонна Саха республикатын обкомун направлениятынан идэтин таьымын урдэтэ Комсомол центральнай школатыгар (ЦКШ) Москва5а икки сыл уэрэнэр.
1966 сыллаахха Токо5о сыбаайбалыыллар. Варвара Семеновна оскуола5а география учууталынан үлэлээбитэ.
Хомойуох иһин Марат ыар ыарыыга ылларан эдэркээн сааьыгар, о5отун Чараны көрбөккө күн сириттэн туораабыта.
Варвара Семеновна со5отох кыыьа Чара 1967 сыл ыам ыйыгар төрөөбүтэ.
1970 сыллаахха Дьокуускай куоракка көһөн кэлэн Ирбэт Тоҥу чинчийэр Институтка үлэҕэ киирэр. Сайынын полевые изыскания, кыьынын лабораторные исследования Варвара Семеновна5а оло5ор саҥа биир кэрдиис буолбуттара. Бэриниилээх улэтин иһин «За освоение БАМа» медалынан на5араадаламмыта, улэ ветерана буолбута.
Дьокуускай куоракка дьиэлэнэн-уоттанан, таптыыр идэтиттэн ханна да халбарыйбакка, бэриниилээхтик улэлээн, табаарыс-до5ор өйөбүлүн билэн, икки өттүттэн аймах-билэ, биир дойдулаахтара бө5өнү үөрэттэрэн, хонор хоноһо бө5өнү хоноһолоон үтүө-мааны ыал буолбута.
Со5отох кыыһынаан Чаралыын биһиги 1989 сылга холбоспуппут.
1993 сылга Японияҕа үлэлии барбыппытыгар Семеновна соҕотох Дьокуускайга хаалбыта.
1997 сыл ахсынньы ыйыгар Токио куоракка кэлэн ыалдьыттаабыта.
Үс оҕобут — Айталина, Саргылана уонна Марат таптыыр эбээлэрэ этэ.
1995 сылтан ыла Варвара Семеновна пенсия сынньалаҥар уйдаран, сиэннэрин көрөн, көмө киьи буолан олорбута.
Варвара Семеновна хос сиэннэрин көрөр-бүөбэйдиир дьолго тиксибитэ. Хос сиэннэрэ Алина, Миитээ, Айыына уонна Марк хос эбээлэрин сырдык мөссүөнүн өйдүү-саныы сылдьыахтара.
Мин ийэ кынныбар Варвара Семеновнаҕа соҕотох кыыһын Чараны үтүөтүк ииппитигэр, ол кэмнээҕи Дьокуускай куоракка оҕотун сахалыы тыынын, саха тылын түстээбитигэр, уонна биһиги дьиэ кэргэҥҥэ олорор усулуобуйаны тэрийбитигэр, сүбэтигэр — аматыгар олус күүскэ махтанабын…
Дьиҥнээх саха далбар хотуна ийэлэр күннэригэр эйигин наар ахтабыт…
Мин блогпар ахмах-билэ дьонум туһунан:
Хаҥалаһы үлэнэн аатырдыбыт дьон туһунан кинигэбит таҕыста — ийэм Т.Н.Мордовская туһунан
Мои родственники в Великой Отечественной войне 1941 — 1945 гг. — аймахтарым Аҕа дойду сэриитигэр.
Күндү эдьиийбит Софья Петровна, быдан дьылларга быраһаай…
Мой сайт: https://nikbara.ru/ — блог о разных интересных событиях
Сайт об усадебном хозяйстве в Якутии https://usadbaykt.ru/
Мой канал в «Яндекс Дзен» — NikBara
Мой блог в “Блогах Якутии” https://blogi.nlrs.ru/author/88287 — архив моих постов в Дневниках Якт.ру и новые посты о культурных событиях.
Просьба подписаться на мой канал «Николай Барамыгин» на Ютуб!
И на мои аккаунты в социальных сетях!
«Одноклассниках» https://ok.ru/profile/500676253992
«В контакте» https://vk.com/nbaramygin
Мой канал в «Телеграм» https://t.me/nikbaraykt
«Твиттер» https://twitter.com/NBaramygin