«Хаҥалас» хаһыакка ыстатыйа уонна Николай Ушницкай махтанар видеота.
Ааспыт сыл Төхтүр сэлиэнньэтигэр олорор элбэх оҕолоох Ушницкайдар дьиэ кэргэҥҥэ норуот күүһүнэн дьиэ тутарга бары биир киһи курдук көмөлөспүппүт. Аҕыйах ыйынан, Саҥа дьылы көрсө, дьиэлэрэ силигэ ситэн, ыаллар саҥа дьиэҕэ үөрүү аргыстаах киирбиттэрэ.
Соторутааҕыта, хайдах кыстаабыттарын туһунан улахан дьиэ кэргэн аҕатын Николай Ушницкайы кытта сэһэргэстибит. Тиийбиппэр ыаллар тиэргэннэригэр үлэ бөҕө: ким тэлгэһэ ыраастыыр, ким саҥа олбуор оҥорор.
— Мин 9 оҕолоохпун, улахаттарым оскуола кэннэ салгыы үөрэнэ сылдьаллар. Тапталлаах кэргэним, ийэбит барахсан, хомойуох иһин, ыалдьан бу олохтон эдэр сааһыгар бараахтаабыта. Биһиги Нам улууһуттан манна кэргэним дойдутугар олохсуйа диэн көһөн кэлбиппит. Бу дьиэлэниэхпит иннинэ, Төхтүргэ, дьиэттэн дьиэҕэ көһө сылдьан, куортамнаан олорбуппут.
Кэргэним баарына Хатастааҕы сибиинньэ иитэр комплекска үлэлээбитим, билигин оскуолаҕа үөрэнэр алта оҕобун көрөн олоробун.
Саҥа дьиэбит Төхтүр киин сиригэр турар, олус астынабыт. Дьиэбитин туттарга барытыгар 2,5 мөл. солкуобай баранна, ол барыта дьон-сэргэ көмөлөспүт харчыта. «Дом Строй+» диэн тэрилтэ 6 ыйынан дьиэбитин тутан бүтэрбитэ. Онтон гаас ситимин тардан, докумуоннаһан, баҕарбыппыт курдук, Саҥа дьыл иннинэ уота-күөһэ бэлэм буолан дьиэбитир көспүппүт. Саамай үөрбүттэр — оҕолорум, бары туһунан хосторун үллэстэн, тэринэн олороллор.
Билигин бу олбуорбун бэйэм уолаттарбын кытта оҥосто сылдьабыт. Муҥура суох махталбын Төхтүр уонна Өктөм нэһилиэгин дьокутааттарыгар тиэрдэбин. Кинилэр сүүрэн-көтөн маны барытын ситистилэр. Ону сэргэ, Хаҥалас улууһун дьаһалтатыгар, бары тэрилтэлэригэр, биирдиилээн көмөлөспүт дьоҥҥо, Хатастааҕы сибиинньэ иитэр комплекска бииргэ үлэлээбит кэлэктииппэр, Нам улууһун олохтоохторугар — барыларыгар ис сүрэхтэн махтанабыт! Хомойуох иһин, сорох харчы ыыппыт дьону билбэппит даҕаны, картабар аҥардас ааттара эрэ көстөрө. Онон, билэр-билбэт дьоммутугар барыгытыгар барҕа махтал! Үйэлээх сааһым устата өйдүү-саныы сылдьыам, Хаҥалас улууһун дьоно-сэргэтэ бу курдук күргүөмүнэн, сомоҕолоһон, үтүө, амарах, аһыныгас санааларынан биһиги дьиэ кэргэни дьиэлээбиттэригэр, — диэн амарах аҕа долгуйан туран махтал тылларын эттэ.
Иэримэ дьиэҕит сылаас холумтаннаах буоллун!
Татьяна Владимирова
«Хаҥалас» хаһыат сайтыгар:
https://ханаласгазета.рф/article/98402
Техтюрский наслег в моем блоге:
Техтюр поздравляет с Новым 2021 Годом!
Видео летней рыбалки неводом — мунха в Якутии!
Хаҥалас улууһун, Эркээни хочотун уонна чуолаан Төхтүр нэһилиэгин олохтоохторугар ыҥырыы!
Хахсык. Впечатления от сайылыка (летника)
Красота для якутского села! Александра Павлова строит свою мечту!
Священное место Куллаты: новый взгляд!
Поздравляем с 90-летием Семена Петровича Заморщикова!
Төхтүргэ — 2021 с. «Бастыҥтан бастыҥнарын» бэлиэтээтилэр!
100 лет засады на Нестора Каландарашвили. Историческая реконструкция!
Бэйэҕэ эрэниэххэ – үлэни өрө тутуохха!
АКЦИЯ ПОМОЩИ СЕМЬЕ УШНИЦКИХ ИЗ ТЕХТЮРА! КӨМӨЛТӨ АКЦИЯҔА КЫТТАРГА ЫҤЫРЫЫ!
В Техтюрском наслеге прошли Парад Победы и акция «Бессмертный Полк»
Продолжается АКЦИЯ сбора помощи для строительстве дома одинокому отцу 9 детей Николаю Ушницкому!
100-летие Техтюрского сражения Гражданской войны в Якутии
Первому научному описанию якутского Ысыаха — 285 лет!
Ушницкайдар саҥа дьиэлэригэр күөх төлөн холбонно
«Кэскил» хомус норуодунай ансаамбыла 35 сылыгар
Моменты открытого улусного турнира по русским шашкам «Төхтүр Кубога». 26.02.2023 г.
Мой сайт: https://nikbara.ru/ — блог о разных интересных событиях
Сайт об усадебном хозяйстве в Якутии https://usadbaykt.ru/
Мой канал в «Яндекс Дзен» — NikBara
Мой блог в “Блогах Якутии” https://blogi.nlrs.ru/author/88287 — архив моих постов в Дневниках Якт.ру и новые посты о культурных событиях.
Просьба подписаться на мой канал «Николай Барамыгин» на Ютуб!
И на мои аккаунты в социальных сетях!
«Одноклассниках» https://ok.ru/profile/500676253992
«В контакте» https://vk.com/nbaramygin
Мой канал в «Телеграм» https://t.me/nikbaraykt
Улахан үөрүү санаа көтөҕүллүүтэ, кыһалҕалаах олох үмүрүйэн, саҥа санаа, саҥа дьиэ оҕолор үөрэн көтөн, Аҕа дуоһуйбут Махталлара эчи үчүгэйин маладьыастар ! Этэҥҥэ олорон улааттыннар, сайынныннар , биһиги көмөбүт күүс көмө умуллубат саҕаҕа буоллун Дьэ кэргэн Ушиницкай Николай Афанасиевич Оҕолоругар !
Оруйуон Депутата, Өктөм нэһилиэгин Хаҥалас улууһун
бочуоттаах олохтооҕо, көмө ама сүбэ оҥорбут Николай Константинов.