Нам улууһугар «Дьиэ кэргэн экономикатын сайыннарыы» программаны үлэлэтии атын улуустарга холобур буолар

Тыа сиригэр олорон сүөһү-сылгы иитиитигэр, сиртэн үүнээйини ылыыга, тыа сирин бородууксуйатын оҥорон таһаарыыга сыраларын ууран туран, толлубакка үлэлиир туруу дьону түмэр сыаллаах-соруктаах «Нам улууһа» МТ дьаһалтатын уонна тыа хаһаайыстыбатын управлениетын көҕүлээһининэн, үгэскэ кубулуйбут «Сааскы дьаарбаҥка — 2023» бэрт сэргэхтик, көдьүүстээхтик ааста.

Нэһилиэктэр, бааһынай, кэтэх хаһаайыстыбалар, атын да тэрилтэлэр, бизнес хайысхалаах оскуолалар олус бэркэ тэринэн кэлбиттэр. Хаһааҥҥытааҕар да тэринии таһыма үрдүгэ харахха быраҕыллар. Ол эрэн, кыттааччы нэһилиэк аҕыйах, алта эрэ нэһилиэк кыттыыны ылла. Араас дьэрэкээн сибэкки, кыыл-сүөл, олордор талах, мас, үрүҥ ас, туустаах балык, ыыһаммыт эт бородууксуйа арааһа дэлэччи.

Сааскы дьаарбаҥка үөрүүлээх аһыллыытыгар «Нам улууһа» МТ баһылыга Юрий Слепцов, СӨ Тыатын хаһаайыстыбатын министрэ Александр Атласов, улуустааҕы депутаттар сэбиэтин председателэ Алексей Винокуров, улуустааҕы тыа хаһаайыстыбатын управлениетын салайааччыта Владимир Макаров кыттааччылары уонна атыылаһааччыры эҕэрдэлээтилэр. Тыл этиитигэр, ордук чуолаан, Нам улууһугар «Дьиэ кэргэн экономикатын сайыннарыы» программатын үлэлэтэн, атын улуустарга холобур буолар таһымҥа тахсыбыппытын бэлиэтээн эттилэр. Кырдьыга да, улууспут нэһилиэктэрин дьоно-сэргэтэ түргэнник ситэр көтөрү, кыылы-сүөлү 40%-на толойуллар усулуобуйалаах атыылаһан дохуоттанар буоллулар. Ол курдук, дьаарбаҥкаҕа түргэнник ситэр көтөр, куруолук, куурусса, бөтүүк, кус, бройлер о.д.а. көрүҥ арааһа элбэҕин бэлиэтии көрдүм.

«Сааскы дьаарбаҥка — 2023» тыа хаһаайыстыбатын атыы-тутуу, быыстапка көрүүтүгэр нэһилиэктэр уонна хаһаайыстыбалар икки ардыларыгар, төһө тэринэн кэлбиттэрин көрөн түмүк тахсар үгэстээх. Улуустааҕы тыа хаһаайыстыбатын управлениетын начальнига Владимир Макаров председателлээх дьүүллүүр сүбэ састаабыгар «Нам улууһа» МТ

баһылыгын солбуйааччы Филипп Николаев, Нам улууһунааҕы государственнай ветеринарнай территориальнай Департамент сүрүн инспектора Павел Николаев, уурбаанньыттары өйүүр киин директора Андрей Бочкарев, улуус кылаабынай агрогнома Сардана Новгородова быһаарыыларынан түмүк таҕыста. Ол курдук, дьүүллүүр сүбэ кыттааччы ахсаанын, атыылыыр миэстэ киэргэтиитин, атыыланар табаар тас көстүүтүн, хаачыстыбатын, атыылааччылар таҥастарын-саптарын, атыыланар табаар уонна атыыһыт миэстэтин санитарнай туругун көрдүлэр.

«Бастыҥ тэрээһиннээх нэһилиэк» анал аакка — 3 м. — Хамаҕатта, 2 м. — Хатыҥ Арыы, 1 м. — Ленскэй нэһилиэктэр таҕыстылар; «Бастыҥ хаһаайыстыбыннай тэрилтэ» анал аакка — 3 м. — Евдокия Гаврильева (Ленскэй нэһилиэк), 2 м. — «Росток» фермерскэй хаһаайыстыба (Модут агрооскуолата), 1 м. — Наталья Семенова (Ленскэй нэһилиэк); «Бастыҥ кэтэх хаһаайстыбалаах дьиэ кэргэн» анал аакка — 3 м. — Екатерина Филиппова (Бөтүҥ нэһилиэгэ), 2 м. — Тамара Колесова (Хатыҥ Арыы нэһилиэгэ), 1 м. — Байдын Арчын Куйабыл (Ленскэй нэһилиэк).

Бүгүн халлаан туран биэрэн атыы хамаҕатык барда. Сарсыардаттан дьаарбаҥка бүтүөр диэри олус элбэх киһи тоҕуоруһа муһунна. Атыылаһааччылар бэйэлэригэр наадалаахтарын булан-талан, илии тутуурдаах, өттүк харалаах бардылар.

Семен Аргунов

«Эҥсиэли» хаһыат сайтыгар: https://энсиэли.рф/article/98371

Мин блогпар дьиэ кэргэн экономикатын өйүүр бырагыраама туһунан постар:

Семейная экономика — наш ответ коронавирусу covid-19!

Чурапча в марте 2021 года: Солнце, семейная экономика и IT!

Семейная экономика в Якутии: опыт 2020 — 2021 гг.

На парламентских слушаниях обсудили исполнение закона о личном подсобном хозяйстве граждан

Мой сайт: https://nikbara.ru/ — блог о разных интересных событиях

Сайт об усадебном хозяйстве в Якутии https://usadbaykt.ru/

Мой канал в «Яндекс Дзен» — NikBara

Мой блог в “Блогах Якутии” https://blogi.nlrs.ru/author/88287 — архив моих постов в Дневниках Якт.ру и новые посты о культурных событиях.

Просьба подписаться на мой канал «Николай Барамыгин» на Ютуб!

https://youtube.com/@nikbara

И на мои аккаунты в социальных сетях!

«Одноклассниках» https://ok.ru/profile/500676253992

«В контакте» https://vk.com/nbaramygin

Мой канал в «Телеграм» https://t.me/nikbaraykt

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.