Эҥсиэли хаһыакка 15.04.2025 тахсыбыт ыстатыйаны репостуубун.
Оҕуруот аһын, сибэкки арааһын олордуунан дьарыктанааччылар Евдокия Гаврильеваны – Сибэкки Дуунньаны Нам улууһугар, өрөспүүбүлүкэҕэ да билбэт киһи диэн суох буолуохтаах. Бүгүн биһиги кини теплицатыгар сырыттыбыт. Оҕурсутун уга номнуо ас биэрэн эрэр.
Евдокия Степановна 300 устуука оҕурсу сиэмэтин олунньу 19 күнүгэр олордубут. Арассаада көрүллэн-истиллэн 100% силис тардан уга быкпытын кэнниттэн, биир ый курдук буолан баран, кулун тутар 12 күнүгэр, теплицаҕа буорга олордубут.
Теплица хоруудаларын буора тоҥмотун диэн тымныытын араарбакка, ититии ситимэ 5 кыраадыс итии температураҕа холбонон турбут. Уһун кыһын кэнниттэн тоҥмут буору ириэрэр сүрдээх ыарахан, — диир. Оҕурсутун теплицата 28 м уһуннаах, 8 м туоралаах, 6 эрээт хорууда усталыы кэккэлэһэ турар.
Буорга олордон баран ультрамарин уонна эпин диэн уоҕурдуунан аһата сылдьыбыт. Уктар номнуо астарын биэрэн эрэллэр. Муус устар 20 күнүн кэнниттэн дьугас дьоммор бастакы оҕурсуларбын сиэтиэм диэн эрэллээх. Онтон салгыы нэһилиэнньэҕэ аатыылыаҕа, дуогабардаспыт тэрилтэлэрин хааччыйыаҕа.
«Мева» диэн суорду олордор эбит. Бу суорт күһүн хойукка диэри аһын биэрэр. Холобура, тэҥнээн «Стелланы» кытары бииргэ олордо сылдьыбыта бу суорт икки, икки аҥаар ыйынан «кырдьан» хаалбыт. Билигин олордор суордун уга 11 миэтэрэҕэ тиийэ уһуур эбит. Аллараа сэбирдэҕин быспыт угун эрийэн баран көмөн кэбиспэккэ буор үрдүгэр сытыарар. Көмөн кэбистэххэ элбэх ууну, аһы куоттарар диэн сүбэлиир. Бу оҕурсу аһын бастакы биэриитигэр 25 см кэриҥэ буолар, онтон сайын итиигэ уһун, улахан буолар эбит.
Хаһаайкаларга сүбэ быһыытынан оҕурсу сиэмэтин силиһин таттарарга теплицаҕа таһааран олордуох иннинэ, биир ыйы ааҕынан баран арассаадалыыр ордугун этэр. Оҕуруот аһа күн сырдыгар 14 чаас наадыйар эбит. Онон сарсыарда уонна киэһэ күн сырдыгын солбуйар анал лаампалары холбоон туһанар.
Семен Аргунов
Посты о саде и огороде в 2025 году:
Лунный календарь садовода и огородника на 2025 год
Что посадить в феврале на рассаду: список урожайных сортов
Время сеять: астры, бархатцы, циннии, георгины, маргаритки
Мой сайт: https://nikbara.ru/ — блог о разных интересных событиях
Сайт об усадебном хозяйстве в Якутии https://usadbaykt.ru/
Мой канал в «Яндекс Дзен» — NikBara
Мой блог в “Блогах Якутии” https://blogi.nlrs.ru/author/88287 — архив моих постов в Дневниках Якт.ру и новые посты о культурных событиях.
Просьба подписаться на мой канал «Николай Барамыгин» на Ютуб!
И на мои аккаунты в социальных сетях!
«Одноклассниках» https://ok.ru/profile/500676253992
«В контакте» https://vk.com/nbaramygin
Мой канал в «Телеграм» https://t.me/nikbaraykt