Б.П. Протодьяконов Хаҥаластарга ыҥырыы суруга

ЦУР Республики Саха Одноклассникига таһаарбыт хаартыската

Ытыктабыллаах Хаҥалаһым улууһун олохтоохторо, «Биир ньыгыл Россия» партия чилиэннэрэ уонна өйөөччулэрэ!

Хаҥалас улууһугар «Биир Ньыгыл Россия» партия иһигэр Хаҥалас улууһун баһылыгар праймериз буолаары турар. Праймеризка быыбар курдук атын партиялартан киирэн кытта сылдьаллара хомолтолоох. Тоҕо маннык буолла диэн үгүс дьон ыйыталаьаллар. Праймеризка кыттааччылар «Биир Ньыгыл Россия» партия республикатаагы комиссиятыгар регистрацияламмыттара. Бу быыбар буолбатах праймериз, ол аата «Биир Ньыгыл Россия» партия 2025 сыл, балаган ыйыгар буолар улуус баһылыгын быыбарыгар бэйэтин кандидатын бу праймериз кыайыылааҕын туруоруохтаах.

Билигин наар биир кандидаты үөҕэн, албыннаан, куолулаан дьону булкуйан бу праймеризка кыайар эрэ туһугар үлэ бара турар. Бу праймеризка оппозиция, оннук – маннык үөхсүү, кандидаттар ааттарын киртитии суох буолуохтаах. Улууспут баһылыга прокурортан күрээн анал байыаннай операцияҕа барда диэн суруйуу бөҕө. Мин улуус депутаттарын сэбиэтин бэрэссэдээтэлин солбуйааччы буоларым быьыытынан кырдьыгы суруйуом.

Оройуон депутаттарын сэбиэтэ 25 депутаттан турар, бэйэтин регламенынан үлэлиир. Бастаан сессияҕа тахсар боппуруостар Президиум мунньаҕар көрүллэллэр. Сессияны, көрүллэр боппуруостары оройуон сэбиэтин бэрэссэдээтэлэ Президиум мунньаҕын кэнниттэн аныыр. Президиум мунньаҕар улуус баьылыга Олег Валериевич Иринеев анал байыаннай дьайыыга барарыгар уһун отпускаҕа барарын туһунан боппуруос көрүллүбүтэ. Прокуратураттан туох да сурук суох этэ. Президиум чилиэннэрэ боппуруоһу сессияҕа көрөргө уураахтаабыттара. Сесссияҕа депутаттарга Олег Валериевич отпуска ылан анал байыаннай дьайыыга барарын туһунан иһитиннэрбитэ. Ол сессияҕа да прокуратураттан туох да сурук суох этэ, баара буоллар Улуус мунньаҕын бэрэссэдээтэлэ А.П. Антонов этиэхтээх этэ. Депутаттар О.В. Иринеев отпускаҕа барарыгар сөбүлэһэн куоластаабыттара. Анал байыаннай дьайыыга барарыгар республика былаастарыттан көҥүллээх этэ. Кинини солбуйтара Андреев В.Е. диэн Ханаластан төрүттээх киһини анаабыттара. Олег Валериевич барбытын кэннэ Прокуратураттан сурук кэлэн, хостон сессия ыҥырыллан боппуруос көрүллүбүтэ, депутаттар прокурор импечменын ылымматахтара, оннук уураах тахсыбыта.

Муус устар 21 кунугэр Москва куоракка «Малая родина – сила России» диэн олохтоох бэйэни салайыныы күнүгэр Владимир Владимирович Путин кыттыылаах улахан форум ыытылынна. Онно бүтүн Россияттан, ол иһигэр Саха сириттэн бары улуус баһылыктара кытыннылар. Саха Сириттэн 4 анал байыаннай дьайыыга сылдьар улуус баһылыктара кытыннылар. Россия салалтата анал байыаннай дьайыыга сылдьар баһылыктары умнубакка ыҥыран кытыннарбыттара хайҕаллаах суол. Ханалас дьоно үөрдүбүт, уолбут байыаннай формалаах форумна кыттыыны ылбытыттан. Олег Валериевиһы форумҥа хаартыскага көрөн баран, дьэ арааьынай үөҕэн суруйуу саҕаланна. Атын улуус олохтоохторо, баьылыктара анал байыаннай дьайыыга сылдьан, форумҥа кыттыбыттарыттан киэн туттубуттара буолуо дии саныыбын. Киһи кэлэйэр дьон ычата кыратыттан, киьи аатын киртитэллэриттэн. Маннык мунньахтарга уголовнай дьыалалаах дьону чугаһаппаттара чахчы, бэрэбиэркэ бөҕө буолуохтаах.

Киһи аатын киртитии, үөхсүү биир эрэ кандидат штабыттан тахсар, Атын праймериз кыттыылаахтара кими да үөхпэккэ үлэлии сылдьаллар.

Анал байыаннай дьайыы кыттыылаахтара О.В. Иринеев, В.Н. Ильин ааттарын киртитии олох сыыһа, кинилэр биһиги кэлэр көлүөнэбитигэр холобур буолар дьон.

Форум кэнниттэн Олег Валериевич чааһыгар төннөн сулууспатын салҕыыр.

С. Г. Гребнев штабыгар, өйөөччулэригэр этиэм этэ: бу быыбар буолбатах, праймериз. Оппозиция диэн суох буолуохтаах, биир партия иһигэр ыытыллар тэрээһин. Манна оппозиционнай партиялар кыттыбаттар. Партия иһигэр куоластааһыҥҥа улуус олохтоохторун хайытыытын таһаарар олох сыыһа.
В.В. Путин «Биир Ньыгыл Россия» ХХII сьеһигэр этэн турардаах, «Шантажировать участников СВО не дадим». Бу ааспыт форумҥа В.В. Путин анал байыаннай дьайыы кыттыылаахтарыгар « не страшно в их руки страну передать» диэбитэ.

Кунду Хаҥалас улууһун олохтоохторо, улууспут баьылыгын, «Биир Ньыгыл Россия» Ханаластааҕы салаатын салайааччытын, анал байыаннай дьайыы кыттыылааҕын Олег Валериевич Иринеевы буолаары турар праймеризка өйүөххэйиҥ!

Б.П. Протодьяконов – «Биир Ньыгыл Россия» Ханаластааҕы салаатын салайааччытын эбээһинэһин толорооччу.

Муус устар 27 к.

***

Праймариз хардыытын туһунан Алиш Мамедов этиитэ:

Посты об Олеге Иринееве в моем блоге:

Олег Иринеев: Единение дает хорошие плоды!

Хангаласцы поддерживают Олега Иринеева! Новые технологии — политическим выборам!

Сбывшийся прогноз «Aartyk.Ru»: Первый Президент Республики Саха поддержал Олега Иринеева!

Хангаласцы за Иринеева!

Хаҥалас улууһун баһылыгын 2021 сыллаах үлэтин отчуота

Состоялось открытие Года исторической памяти в Хангаласском улусе!

Поездка в южные наслега Хангаласского улуса 6.04.2022