"Хаҥалас" хаһыакка итии истиҥ эҕэрдэ!!! - Блог Николая Барамыгина

2025 с. от ыйын 1 к. СӨ Национальнай бэчээт күнүнэн Ил Дархан Айсен Николаев эҕэрдэтэ:

Саха Өрөспүүбүлүкэтин Ил Дархана Айсен Николаев Национальнай бэчээт күнүнэн эҕэрдэлиир

Саха Өрөспүүбүлүкэтин салалтатын уонна тус бэйэм ааппыттан эһигини Национальнай бэчээт күнүнэн эҕэрдэлиибин!

Бу бырааһынньык элбэх омуктаах өрөспүүбүлүкэбит норуоттарын култуураларын уонна тылларын чөл хаалларар уонна сайыннарар инниттэн 2020 сыллаахха олохтоммута. 1907 сыллаахха от ыйын 1 күнүгэр Василий Васильевич Никифоров-Күлүмнүүр көҕүлээһининэн «Саха дойдута» диэн хаһыат бастакы нүөмэрэ тахсан, Саха сирин суруналыыстыката сайдарыгар олук ууруллубута.

Бүгүн биһиги төрүт үгэспитин аныгы сыыппара технологияларын кытта дьүөрэлээн, бу дьыаланы эрэллээхтик салгыыбыт. Бүгүҥҥү туругунан эрэгийиэммитигэр сонуну киэҥник тарҕатар 202 сириэстибэ баара бэлиэтэнэр. “Саха Өрөспүүбүлүкэтин иһитиннэрэр уопсастыбатын сайыннарыы” диэн өрөспүүбүлүкэбит судаарыстыбаннай бырагыраамата сонуну киэҥник тарҕатар судаарыстыбаннай сириэстибэлэри хааччыйар, ону тэҥэ судаарыстыбаттан тутулуга суох сириэстибэлэргэ граннарынан уонна социальнай суолталаах бырайыактары оҥорон таһаарарга уонна тарҕатарга тус сыаллаах субсидияларынан өйөбүлү оҥорор.

Өрөспүүбүлүкэтээҕи, бары оройуоннааҕы хаһыаттар уонна сурунааллаар уопсай тиражтара 53635 экземплярга тэҥ. 34 оройуоннааҕы эрэдээксийэ үлэлиир. Кэмиттэн кэмигэр тахсар таһаарыылар өрөспүүбүлүкэ күннээҕи олоҕун бэчээккэ тиһэн, бүтүн култуурабыт, устуоруйабыт кэрэһитэ буолаллар.

Ону тэҥэ биһиги таһаарыыларбыт аныгы сыыппара кэмин кытта тэҥҥэ сайдаллар. Кэнники биэс сылга төрөөбүт төрүт тылларынан тахсар саайтар ахсааннара түөрт төгүл элбээтэ, урут 20 эбит буоллаҕына, билигин 84 саайт баар буолла. Бу көрдөрүү национальнай суруналыыстыка Куйаар ситимин ситиһиилээхтик баһылаабытын уонна дьон биһирэбилин ылбытын туоһулуур.

Дьон-сэргэ күннэтэ көрөр саайтарынан «Саха сирэ», «Эдэр саас», «Кыым», «УлусМедиа» буолаллар. Аҥаардас «Sakha-sire.ru» саайты көрүү ахсаана 2024 сыллаахха ыйга мөлүйүөнтэн тахсыбыта бэлиэтэммитэ. «Медиология» диэн сонуну киэҥник тарҕатар сириэстибэлэри мониторинныыр хампаанньа чахчытынан, «ЯСИА» уонна «УлусМедиа» саайтар өрөспүүбүлүкэҕэ үгүстүк цитаталанар таһаарыыларынан буолаллар, итиэннэ бастакы уонна үһүс миэстэҕэ тураллар.

Сахалыы тахсар «Kerdee.ru» контены бэлиэтиир оруннаах. Бу сыыппара эйгэтигэр саха тылын туттууну кэҥэтэргэ, төрөөбүт тылынан тахсар саайтар ахсааннара эбиллэригэр олук буолар, элбэх матырыйаалы түмэр, наардыыр аныгы уонна олус туһалаах саайт.

Көрдөрөр-иһитиннэрэр медиаконтент эмиэ сайдар. Ол курдук, «Саха» национальнай көрдөрөр-иһитиннэрэр хампаанньа көрөөччү кэрэхсэбилин ылар телебырайыактары оҥорон таһаарар, 2024 сылтан саҕалаан «Тооку» оҕо аймах бастакы телеханаала үлэлии турар. Бу ханаал биир сылыгар түбэһиннэрэн «Айтал уонна Аптаах күүс» диэн бастакы толору метражтаах ойуулук өрөспүүбүлүкэ киинэ тыйаатырдарыгар көстүбүтэ кэрэхсэбиллээх буолла.

Ону таһынан, «Кэскил» оҕо бэчээтин кыһата «Аптаах тыл» диэн Бүтүн Россиятааҕы оҕоҕо аналлаах сонуну киэҥник тарҕатар сириэстибэлэр куонкурустарыгар кыттан бастыҥ интэриниэт-таһаарыы уонна кыраайы үөрэтэр бастыҥ бырайыак диэн икки номинацияҕа кыайыыны ситиһэн, үлэтэ үрдүктүк сыаналаммытын бэлиэтиир тоҕоостоох.

Ураты махталбытын хорсун-хоодуот байыаннай кэрэспэдьиэннэрбитигэр тиэрдэбит. Кинилэр сырдатар кырдьыктаах уонна эрэли үөскэтэр матырыйаалларыттан инники кирбиигэ сылдьар Сахабыт сирин буойуннарын хорсун быһыыларын, кэннинэн кэхтибэт модун санааларын туһунан билэбит. Буойуннарга тиэрдиллэр бэчээппит уонна видеосюжеттарбыт төрөөбүт дойдуларын кытта ситимнииллэр, санааларын бөҕөргөтөллөр уонна кыайыыга эрэли саҕаллар.

Ытыктабыллаах суруналыыстар, бэчээт үлэһиттэрэ! Саха сирин суруналыыстыката урукку да өттүгэр билигин даҕаны үрдүк таһымнаах, эппиэтинэстээх уонна дьон-сэргэ, Ийэ дойду дьылҕатыгар быһаччы оруоллаах эйгэнэн буолар. Уопсастыба өйүн-санаатын эһиги олохтуугут, култуура өйдөбүлүн харыстаан илдьэ сылдьаҕыт, төрөөбүт тылы сайыннараҕыт, уопсастыбаҕа чахчыны уонна кырдьыгы бигэргэтэҕит.

Идэҕитигэр бэриниигит, дьон туһугар ахсаабат кыһамньыгыт иһин махтанабын! Эһиэхэ уонна чугас дьоҥҥутугар чэгиэн доруобуйаны, өрө көтөҕүллүүнү, саҥа бырайыактары, эйэни, дьолу уонна этэҥҥэ буолууну баҕарабын!

Саха Өрөспүүбүлүкэтин Ил Дархана

Айсен Николаев

Подробнее: https://glava.sakha.gov.ru/news/7479

Хаһыат Телеграмм ханаалыгар үтүө сонун таҕыста!

“Хаҥалас” хаһыат наҕараада тутта!

Бүгүн Дьокуускайга Саха өрөспүүбүлүкэтигэр Национальнай Бэчээт күнүнэн уонна хаһыат тахсыбыта 85 сылынан “Хаҥалас” хаһыат редакциятын кэллэктиибэ СӨ Бырабыыталыстыбатын бэрэссэдээтэлэ Анатолий Семенов илии баттааһыннаах Махтал суругу үөрүүлээх мунньахха тутта.

Наҕарааданы СӨ инновацияҕа, цифровой сайдыыга уонна инфокоммуникационнай технологияларга миниистир Василий Ефимов туттарда. Хаһыаппыт – бастыҥнар кэккэлэригэр!

Людмила Аммосова, “Хаҥалас” хаһыат.

@gazetahangalas

Бэчээт үлэһиттэрин чиэстээһин туһунан сонун:

Сегодня, 1 июля, в Зале Республики Дома Правительства Якутии состоялась торжественная церемония вручения государственных премий и наград, посвящённая Дню национальной печати.

🔹 Открыл мероприятие Руководитель Администрации Главы и Правительства Республики Георгий Михайлов. В своём обращении он отметил, что за более чем вековую историю национальная пресса республики прошла сложный путь, но сохранила своё призвание — нести слово правды, формировать идентичность, быть опорой для общества в эпоху перемен.

«Журналистика Якутии всегда была и остаётся пространством высокой ответственности и глубокой сопричастности с судьбой людей и общества. Вы формируете и поддерживаете общественное мнение, сохраняете культурные смыслы, развиваете родной язык и утверждаете в общественном сознании ценности правды и справедливости», – подчеркнул Георгий Михайлов.

🔹 Среди награждённых — редакторы, печатники, корреспонденты, дизайнеры, юристы, операторы и военные репортёры, освещающие ход проведения специальной военной операции.

🔹 Государственная премия Республики Саха (Якутия) имени Василия Никифорова-Кулумнуур в области журналистики вручена Николаю Бястинову, главному редактору радиодирекции Национальной вещательной компании «Саха», за вклад в развитие военной журналистики. Премия Главы Республики имени Николая Мординова — Амма Аччыгыйа присуждена Римме Корякиной за многолетнюю работу в области детской литературы и поддержку молодых авторов.

🔹 В числе награждённых – коллективы районных редакций, в том числе газеты «Муру саьаргата» из Усть-Алданского улуса, «Улэ кууьэ» из Горного улуса и «Хацалас» из Хангаласского улуса. Благодарственные письма и грамоты получили представители типографий.

🔹 Также звания Заслуженного работника народного хозяйства удостоился генеральный директор АО «Якутская республиканская типография им. Ю.А. Гагарина» Владимир Сыромятников.

🔹 Особое внимание было уделено военным корреспондентам — Евгению Петрову, Илье Жараеву, Петру Шестакову и Николаю Борисову, которые продолжают профессиональную деятельность в непростых условиях, передавая правду с передовой. Они были отмечены наградами Союза журналистов России – почётным знаком «За храбрость» и грамотами.

“Хаҥалас” хаһыат үлэһиттэригэр итии истиҥ эҕэрдэ!!! Үлэҕитигэр өссө элбэх ситиһиилэри! Хаһыакка уонна интернет ситимигэр өссө элбэх ааҕааччылары уонна сурутааччылары!!!

Мои посты о Хангаласском улусе в 2025 году:

Провожая уходящий 2024 год…

Аварийная остановка котельной в селе Тит-Эбя: как это было и что необходимо предпринять

Драматург Степан Ефремов 120 сылын бэлиэтээһин түгэннэрэ

Юные исследователи из Хангаласского улуса успешно выступили на республиканской научной конференции «Шаг в будущее»

Поздравляем редакцию газеты «Хангалас» и победителей конкурса по подписке!

Династия Шишигиных — «Самая творческая династия» в республике!

Международный турнир по борьбе хапсагай «Хаҥалас хапсаҕайа». Торжественное открытие

Участники «Школы мэров» посетили Хангаласский улус!

Уйбаан Шамаев Саха тустуутун — Хаҥалас хапсаҕайын туһунан

Искренние соболезнования родным и близким…

Таайым Охоноос туһунан ийэм ахтыыта