Бүгүн «Араҥас» траурнай киинтэн «Мин Хаҥалас уолабын» диэн норуот биһирэбилин ылбыт ырыа ааптарын Станислав Михайлович Артемьевы дойдутугар II Дьөппөн нэһилиэгэр атаардыбыт.
***
Артемьев Станислав Михайлович 1974 cыл сэтинньи 9 күнүгэр II Дьөппөн нэһилиэгэр Артемьевтар дьиэ кэргэҥҥэ бастакы оҕоннон күн сирин көрбутэ.
1981 с. II Дьөппөн орто оскуолатыгар үөрэнэ киирэр. Кыра эрдэҕиттэн оскуола тэрээһиннэригэр кыттан сыанаҕа тахсан ыллыыра, хомустуура, сценкаларга кыттара, тустууннан дьарыктаммыта.
Улахан кылааска Кузьмин Валерий Семенович көҕүлээһининэн ВИА ансамбльга ударнай инструмеҥҥа олорбута.
Оскуола кэнниттэн хоһоон суруйарга холонон ол кэннэ ырыаҕа кубулутара.
Айылҕаттан талааннааҕа оҕо эрдэҕиттэн биллибитэ. Айылҕаҕа сылдьарын олус сөбүлүүрэ.
Соҕотох ийэ уола үлэҕэ сыстаҕас, дьоҥҥо эйэҕэс сыһыаннаах, аһыныгас сүрэхтээх буола улааппыта. Ыал улахан оҕото буолан балтыларын көрөн, харайсан ийэтигэр көмө буолара.
Оскуоланы бүтэрээт төрөөбүт Дьөппөнүгэр сүөһү көрүүтүгэр үлэлии хамсыы сылдьан Армияҕа ыҥырыллан ытык иэһин төлүү барар.
1994-1995 сылларга Чечня сэриитигэр тиийэр. Кавалер ордена Мужества орденынан, мэдээллэринэн наҕараадаламмыта.
Ытык иэһин төлөөн кэлэн крестьянскай хаһаайыстыбаҕа үлэлиир.
2000 с. Покровскайга көһөн «Саргы Түһүлгэтэ» культуура киинигэр звукооператорынан үлэлиир.
2001 с. айар талааннаах эдэр киһи кэрэни кэрэхсии көрбүтүн ырыа суруйар, норуот сөбүлээн истэр айымньыыларын «Мин Хаҥалас уолабын» хомуурунньукка тиһэр, арааһынай тэрээһиннэргэ кыттан дьон биһирэбилин ылбыта.
2001 с. сүрэҕин аҥаарын көрсөн Леналыын ыал буолан икки уол оҕолоохтор, биир кыыстаахтар.
Улахан уол Аҕатын батан дойдутун көмүскээн Кавалер ордена Мужества наҕараадалаax.
Хаҥалас улууһун Культуураҕа уонна духуобунас сайдыытыгар үлэлэспитэ, Чечня сэриитин ветерана, айар куттаах улууска республикаҕа биллэр мелодист, ырыа айааччы уонна толорооччу быһыытынан культура эйгэтигэр чугас киһи этэ.
Гранильнай завод арыллан ученигынан киирэн устунан үлэлиир. Үлэлии сылдьан кэтэхтэн Факультет Якутской филологии и культуры уөрэнэ киирэр. Үөрэҕин ситиһиилээхтик бүтэрэн Покровскай гимназиятыгар үлэлиир.
2013 с. Кадетскай школаҕа учитель музыки үлэтин саҕалыыр.
2015 с. иккистээн олох оҥостон Настялыын холбоһон биир уол оҕолоохтор.
Станислав аатын ааттатар 3 уол оҕолоох, соҕотох кыталык кыыстаах.
2022 с. балаҕан ыйыгар мобилизацияҕа тубэһэн Украина анал байыаннай дьайыытыгар ыҥырыллан барбыта.
Станислав Михайлович олоҕун бүтүннүүтүн дьон дьоллоох буоларыгар анаабыта. Төрөөбүт дойдутугар толору бэриниилээх буоларга, оҕолорун, эдэр ыччаты бэйэлэрин Ийэ дойдуларын таптыырга, сыанaлыырга үөрэтэрэ.
Кини ийэтигэр тирэх буолар эрэллээх оҕо, балыстарыгар, аймахтарыгар истиҥ сыһыаннаах убай, быраат, кэргэнигэр оҕолоругар амарах Аҕа. Кылгас эрээри дьоһун олоҕу олорон ааста.
Марфа Михайловна Кириллина (Артемьева)
Дьокуускай к. атырдьах ыйын 13 к.