Warning: count(): Parameter must be an array or an object that implements Countable in /var/www/u1242105/data/www/nikbara.ru/wp-content/plugins/advanced-page-visit-counter/public/class-advanced-page-visit-counter-public.php on line 397
Хаҥалас улууһун баһылыгын 2021 сыллаах үлэтин отчуота - Блог Николая Барамыгина

Хаҥалас улууһун баһылыгын 2021 сыллаах үлэтин отчуота

Хаҥалас улууһун баһылыгын 2021 сыллаах үлэтин отчуота

Бүгүн 2022 сыл тохсунньу ый 20 күнүгэр Хаҥалас улууһун баһылыга Олег Иринеев Төхтүр уонна Өктем нэһилиэктэригэр отчуоттаата.

Эһиги болҕомтоҕутугар Хаҥалас хаһыакка тахсыбыт ыстатыйа уонна Өктөм нэһилиэгэр буолбут онлайн отчуот видеота.

«Хаҥалас» хаһыат сайтыгар:https://xn--80aaaaaqpp6as1cq2a.xn--p1ai/article/38727

Баһылык сыллааҕы отчуота Төхтүргэ уонна Өктөмҥө ааста

Тохсунньу 20 күнүгэр Хаҥалас улууһун дьаһалтатын ааспыт 2021 сыллааҕы үлэтин отчуота, Эркээни хочотун олохтоохторугар саҕаланна. Күн бастакы аҥаарыгар улуус Аҕа баһылыга Олег Иринеев Төхтүр уонна Өктөм нэһилиэктэрин олохтоохторугар отчуоттуур мунньаҕы улууспутугар саҥа хоруона вируһунан ыалдьыбыт киһи ахсаана элбии турарынан онлайн-форматынан, Zoom платформа нөҥүө ыытта.

Төхтүргэ уонна Өктөмҥө отчуот кэмигэр баһылык Олег Иринеевы кытта улуус дьаһалтатын отделларын, управлениеларын салайааччылара кыттыыны ыллылар. Нэһилиэктэргэ биирдиилээн дьоннор уонна үлэ кэлэктииптэрин үлэһиттэрэ быһа холбонууга киирэн кытыннылар.

Төхтүр нэһилиэгин баһылыга Кэскил Багдарыын отчуот ыытыллытын кэмигэр кэпсэтиини сүрүннээн салайан биэрдэ. Ааспыт сыллааҕы отчуот кэнниттэн боротокуолга Оҕо уһуйаанын, «Хахсык» ТХПК хотонун, бэтэринээр үлэлиир дьиэтин тутуулара, биэлсэр-акушер пуунун өрөмүөнэ, спорт кыһыҥҥы көрүҥнэригэр тириэньэр ыстаата наадаларын боппуруостара киирбиттэр. Баһылык Олег Иринеев тута хоруйдара биэрдэ, сорох туруорсуулара тоҕо кыаллыбатахтарын быһаарда, Ити кэнниттэн ыйытыктарга киирдилэр. Чуолаан, Төхтүргэ баанньык тутуллуутун, культурнай-спортивнай комплекс үлэтин, Быйылгы сылга биллэриллибит История кэрэһитин сылыгар туох үлэлэр былааннаналларын, Өлүөнэ эбэ кытыла сыллата сиҥнэ турарынан туох үлэлэр ыытыллыахтарын, хаарбах дьиэлэртэн көһөрүү бырагырааммата хаһан үлэлиэҕин, кэтэх ыаллар ыанар ынахтарын төбөтүгэр көмө харчы туһунан, «Публичнай былаас ситимигэр олохтоох бэйэни салайыныы уопсай бириинсиптэрин туһунан» Федеральнай сокуон барылын уларыйыыларын интэриэһиргээн ыйыттылар. Нэһилиэк олохтоохторо бары ыйытыктарыгар сөптөөх хоруйдары ыллылар.

Өктөмҥө отчуоту истиигэ нэһилиэк баһылыга Александр Большаков дьонун-сэргэтин иилэн-саҕалаан көҕүлээтэ. Ааспыт 2021 сылга Өктөм нэһилиэгэр дьоһуннаах тутуулар ыытыллыбыттара, ол курдук П.И. Шадрин аатынан 220 миэстэлээх оскуола-сад, СӨ Бастакы Бэрэсидьиэнэ М.Е. Николаев бибилэтиэкэ-архыыбыгар сыһыары дьоһуннаах тутуу, «Саха өрөспүүбүлүкэтин Наука аччыгый академиятын» дьиэлэрэ тутуллубуттара. 2021 сыллаах отчуот түмүгүнэн түөрт боппуруос боротокуолга киирбит. Бастакытынан учаастактааҕы балыыһаҕа хапытаалынай өрөмүөн, массыына, анал тэриллэр наадаларын туһунан, манна киһи санаатын көтөҕөр хоруйдары улуус кылаабынай бырааһа Нюргун Степанов иһитиннэрдэ. Иккиһинэн, Өктөмҥө күөх төлөҥҥө холбонуу, үсүһүнэн Өктөм орто оскуолатын спортивнай саалатын боппуруоһа, төрдүһүнэн — Чапаев сэлиэнньэтигэр баар «Элбэх хайысхалаах култуура Киинин» сылытар ситимин өрөмүөнүн туһунан боппуруостарга улууспут аҕа баһылыга Олег Иринеев дириҥ хорутуулаах хоруйдары биэрдэ. Ити кэнниттэн тута ыйытыктар быһа холбонуунан уонна чат нөҥүө киирдилэр. Онно олохтоохтору долгутар сүрүн ыйытыктарынан хаарбах туруктаах дьиэлэртэн көһөрүү бырагырааммата, Чапаев учаастагар ФАП хаһан үлэҕэ киирэрэ, Өктөм балыыһатын баһаарынай емкостара, суһал көмөҕө массыына наадата, бөҕү-саҕы тоҕор сыбаалка боппуруоһа, бэйдиэ сылдьар ыттары тутуу, үүтү туттарыы, «Тоҕой» учаастагар элиэктэрэ уот тардыыта уонна күөх төлөн хаһан киирэрэ, Наука аччыгый академиятын дьиэтэ обсерватор буолан турара, бойобуой дьайыыларга кыттыбыт бэтэрээннэри дьиэнэн хааччыйыы боппуруоһа, Сахабыт сиригэр Ийэ сыла ыытылларынан туох былаан баара онтон да атын элбэх ыйытыктар буоллулар. Манна баһылык Олег Иринеевы кытта улуус дьаһалтатын туһааннаах салааларын салайааччылара хас биирдии ыйытыкка сиһилии быһааран хоруйдары биэрдилэр.

Отчуоту истиигэ, дьүүллэһиигэ дьон аныгы электроннай технологияларга үөрэнэн санааларын тиэрдэр, боппуруостары сөпкө аттаран туруорар, кыһалҕаларын аһаҕастык этинэр буолбуттар. Бүтэһигэр олохтоохтор улуус салалтата ыытар үлэтин сөптөөҕүнэн сыаналаатылар.

Киирии тыл.

Улуус администрациятын отчуотун видеота.

Былырыын отчуот кэмигэр киирбит боппуруостарга уонна ыйытыыларга хоруйдааһын.

Хаҥалас улууһун баһылыгын 2021 сыллаах үлэтин отчуота
Хаҥалас улууһун баһылыгын 2021 сыллаах үлэтин отчуота
Хаҥалас улууһун баһылыгын 2021 сыллаах үлэтин отчуота
Хаҥалас улууһун баһылыгын 2021 сыллаах үлэтин отчуота
Хаҥалас улууһун баһылыгын 2021 сыллаах үлэтин отчуота
Хаҥалас улууһун баһылыгын 2021 сыллаах үлэтин отчуота

Нэһилиэнньэ көхтөөхтүк кыттыбыта уонна олоххо быһа сыһыаннаах ыйытыылары туруорсубута үлэ этэҥҥэ бара турарын көрдөрөр.

Эһиил буолаары турар муниципальнай округтарга көһүү боппуруоһа нэһилиэнньэни долгутара үчүгэй дии саныыбын. 2002 сылга курдук Хаҥалас улууһа тэрээһиннээхтик бэйэни салайыныы саҥа көрүҥүгэр киириэхтээх тустаах дии саныыбын.

Хаҥалас улууһун баһылыгын отчуоттарын туһунан постарым:

Отчет Главы Хангаласского улуса перед земляками, обществом «Хангалас»

Отчет администрации Хангаласского улуса за 2020 год!

Онлайн отчет Главы Хангаласского улуса в Мохсоголлохе и Покровске. 28.01.2021 г.

Моя страница в Дневниках якт ру.: http://nikbara.ykt.ru/ 

Мой сайт: https://nikbara.ru/

Сайт об усадебном хозяйстве в Якутии https://usadbaykt.ru/

Мой канал в «Яндекс Дзен» — NikBara

Просьба подписаться на мой канал «Николай Барамыгин» на Ютуб!

https://www.youtube.com/c/НиколайБарамыгин

И на мои аккаунты в социальных сетях!

Я в Инстаграме @nb2015p

Персональная страница в «Фейсбуке»: https://www.facebook.com/nikbaramygin/

«Одноклассниках» https://ok.ru/profile/500676253992

«В контакте» https://vk.com/nbaramygin

 «Твиттер» https://twitter.com/NBaramygin

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.