2022 с. балаҕан ыйын 21 күнүгэр Нам улууһун Хатырык нэһилиэгэр Софья Петровна Слепцованы күн сириттэн тиһэх суолугар атаарыы буолан ааста.
Үлэ ветерана Хатырык нэһилиэгин Ытык киһитэ, Нам улууһун доруобуйа харыстабылын ветерана,Ийэ Албан аатын 2 степеннээх орденнаах хаһаайына, Коммунистическай үлэ ударнига, сэрии сылларын оҕото, Хатырык нэһилиэгин олохтооҕо-Слепцова Софья Петровна 1937с. ахсынньы 28 күнүгэр Хатырык нэһилиэгэр төрөөбүтэ.
Кыра сааһыгар ийэтэ өлөн Көбөкүнүнэн, Хатырыгынан,Намынан аймахтарыгар олорон оҕо сааһа ааспыта.Аймахтарын оҕолорун көрсөн элбэх оҕону бүөбэйдэспитэ күүс-көмө буолбута.
Намҥа оскуолаҕа үөрэнэн 7 кылааһы бүтэрбитэ.
1956с. Хайгыалаах уолугар Слепцов Галин Архиповичка кэргэн тахсан эмдэй-сэмдэй 8 оҕоломмуттара. Колхозка ньирэй көрөөччүнэн үлэлиир. Доруобуйата кыайбат буолан Хатырык участковай балыыһатыгар 1961с. санитарканан үлэҕэ киирэн 35 сыл устата улэлээбитэ. Ыарыһахтарга аламаҕай сыһыанынан, үтүө суобаһынан-майгытынан ,тус үлэтигэр үрдүк эппиэтинэстээхтик үлэлээн дьоҥҥо-сэргэҕэ ытыктанара. Балыыһа иһинэн ыытыллар бары общественнай үлэҕэ-хамнаска актыыбынайдык кыттара эдэрдэри көҕүлээн үтүө сүбэһит буолара. 1995с. үлэтиттэн уурайан бочуоттаах сынньалаҥҥа барыаҕыттан ыла оҕолоругар,сиэннэригэр күүс көмө,сүбэ-ама буолбута.
Быйыл 2022 сыл от ыйыгар, Софья Петровна 85 сааһын туолуохтаах сылыгар олус кэрэ тэрээһин буолан ааспыта.
Нам улууһун телеграм-канала:
БИИР БЭЙЭТЭ СҮҮС БУОЛАН…
Быйыл сэрии сылларын оҕото, Нам улууһун доруобуйатын харыстабылын бэтэрээнэ, Хатырык нэһилиэгин Ытык киһитэ Софья Петровна Слепцова 85 сааһын туолар сыла.
Софья Петровна Хатырыкка, Төгүрүккэ, күн сирин көрбүтэ. Оҕо сааһа Көбөкөҥҥө ааспыта. 1957 сыллаахха Хатырык киһитигэр Слепцов Галин Архиповичка кэргэн тахсан көһөн кэлбитэ. 8 оҕону күн сирин көрдөрөн, Хатырык түс-бас ыала буолбута. Кэргэнэ оһолго түбэһэн суох буолуоҕуттан соҕотоҕун оҕолорун иитэлээн, олох суолугар чиҥник үктэннэртээтэ. Соҕотох бэйэтэ, быһа холоон, сүүсчэкэ киһи буолла.
От-мас муҥутуурдук ситэн- силигилээн турдаҕына, Софья Петровна оҕолоро, сиэннэрэ 85 сааһын көрсө ыһыах ыһан уруйдаатылар-айхаллаатылар. Сүүһүнэн оҕолоро, күтүөттэрэ, кийииттэрэ, сиэннэрэ, хос сиэннэрэ эҕэрдэ эриэккэһин эттилэр, уйгу быйаҥ сандалытын тартылар. Араас биричиинэннэн кэлбэккэ хаалбыт, ким аармыйа, ким сулууспа, ким үлэ, ким үөрэх күндү эбээлэригэр куйаар ситимин нөҥүө истиҥ санааларын тиэртилэр.
Күн ийэ, эбээ, хос эбээ
Иһирэхтик да иһиллэр,
Үөрүүнү-көтүүнү эбэ
Махтал тыллара тиһиллэрОлоҕуҥ таах хаалбата
Тула оҕо-аймах үөрэр,
Дьол сымнаҕас кыната
Эйигин үөрэ кууһарОлорбут олох туоһута
Оҕо чугдаарар саҥата,
Эн алаһа дьиэҥ тулата
Дьоллоох олохпут уйата.Махталлаах эн оҕолоруҥ
Үөрэ кууһабыт, сыллыыбыт,
Өссө да дьоллоох олоҕуҥ
Уһууругар баҕарабыт.
Оҕолоро
Софья Петровна оҕолорунаан
Күтүөттэри, кийииттэри кытта.
Сиэннэринээн.
Хос сиэннэринээн.
Софья Петровна Слепцова дьиэ кэргэттэрэ.
Биир бэйэтэ сүүс буолан!
Түмсүү кэрэ түгэннэрэ Таисия Дьяконова Ютуб каналыгар.
Биһиги кэргэмминээн уонна эдьиийим Мария Барамыгиналыын Түбэ Баһын чочуобунатын сүрэхтэниитигэр Освящение часовни Тюбя Басинской Казанской церкви в Намском улусе! Июль 2018 года. баран иһэн Софья Петровналыын түспүт хаартыскабыт.
Күндү эдьиийбит Софья Петровна быдан дьылларга быраһаай, бырастыы… Төрөөбүт Хатырыгыҥ сирэ сылаас сыттык сымнаҕас суорҕан буоллун…
Софья Петровна чугас дьонугар өссө биирдэ дириҥ кутурҕаммын тиэрдэбин…