Нам улууһун Үөдэй нэһилиэгин баһылыгынан 2007-2022 сылларга туйгуннук үлэлээбит Семен Владимирович Ядреев күн сириттэн 2023 сыл ахсынньы 17 күнүгэр соһуччу ыалдьан туораата…
Семен Владимирович Ядреев Нам улууһун Үөдэй нэһилиэгэр ыам ыйын 31 күнүгэр 1965 сыллаахха аҕыс оҕолоох дьиэ кэргэҥҥэ алтыс оҕонон күн сирин көрбүтэ. Ийэлээтэр ийэтэ Любовь Гаврильевна олоҕун устатын тухары тыа хаһаайыстыбатын ыарахан үлэтигэр сүөһү иитиитигэр үгүс сыратын биэрэн туран үтүө суобастаахтык үлэлээбитэ. Хас да төгүл чемпион ыанньыксыт, ньирэй көрөөччү үрдүк аатын ылбыта. Аҕалаатар аҕата Владимир Владимирович Аҕа дойду улуу сэриитин кыттыылааҕа, уоттаах сэрии бэтэрээнэ, тыа хаһаайыстыбатыгар салайар үлэҕэ үлэлээн үрдүк кирбиилэри ситиспитэ.
Семен Владимирович дьоллоох оҕо сааһа төрөөбүт Үөдэйин кырдалыгар ааспыта. Үөдэй орто оскуолатын 1982 сыллаахха ситиһиилээхтик үөрэнэн бүтэрбитэ. Оскуолаҕа үөрэнэр кэмнэригэр бастыҥтан бастыҥ, өрүү инники сылдьар, патриот октябренок, пионер, комсомол үрдүк аатын сүкпүтэ. Ол курдук, Ульяна Громова аатынан дружина сэбиэтин председателинэн, комсомольскай тэрилтэ секретарынан талыллан оҕо эрдэҕиттэн салайар дьоҕура арыллыбыта. Кини оҕо эрдэҕиттэн общественник, бастыҥ спортсмен, төрөөбүт дойдутугар бэриниилээх чахчы патриот киһи этэ.
Оскуола кэнниттэн нэһилиэк комсомолун секретарынан үлэлээбитэ. Маны таһынан 1982 сылтан 1984 сылга дылы “Оскуола – производство — үрдүк үөрэх” бачыымынан “Нам” совхозка үөлээннээхтэрин кытта тутуспутунан бастакы үлэ хардыытыгар тахсыбыттара. Семен Владимирович бу кэмнэргэ кыһынын субай көрүүтүгэр, сайынын бостуук үлэтигэр ыччат ферматыгар старшайынан анаммыта. Онон оҕо эрдэҕиттэн үлэҕэ эриллэн, тыа олоҕун, үлэтин-хамнаһын билэн улааппыта.
Семен Владимирович бэйэтэ этэринэн “киһи олоҕо кэрчиктэртэн турар, ол устатын тухары мындыр үлэһит дьон баар буолан үлэҕэ-хамнаска үөрэтэн, кыайыыга-хотууга кынаттыыллар” — диирэ. Ол санааттан кини олоҕун тиһэх күннэригэр дылы кинини үтүө суолга үөрэппит уһуйааччыларыгар, пионер, комсомол эрдэхтэн ииппит-үөрэппит учууталларыгар, спорт эйгэтигэр угуйбут, чахчы тулуурдаах, дьулуурдаах буоларга такайбыт, бастыҥ тренердарыгар, уопсай үлэҕэ-хамнаска, тыа хаһаайыстыбатын ымпыгар-чымпыгар үөрэппит-такайбыт наставниктарыгар муҥура суох махтанара.
Семен Владимирович 1984-1986 сылларга Монголия Республикатыгар Ийэ дойдутугар ытык иэһин толорон Армия кэккэтигэр сулууспалаабыта. Бэриниилээхтик сулууспалаан развед биригээдэҕэ артиллерийскай дивизиоҥҥа батарея старшината буолбута.
1986-1989 сылларга Дьокуускайдааҕы тыа хаһаайыстыбатын техникумун кыһыл дипломунан бүтэрэн “Үөдэй” коллективнай предприятие зоотехнигынан, биригэдьииринэн ситиһиилээхтик, таһаарыылаахтык үлэлээбитэ, бастакы салайар үлэтин кирбиилэрэ мантан саҕаламмыта.
Семен Владимирович Ис дьыала уорганыгар, “Туймаада агроснаб” тэрилтэтигэр үлэлээн уопут ылан, өр сыл устата дьоҥҥо-сэргэҕэ куттал суох буолуутун хааччыйар салааҕа сүҥкэн кылаатын киллэрсэн Сунтаар улууһугар государственнай пожарнай надзор начальнигынан, ол кэннэ Дьокуускайга ОГПН старшай инженерынан, Муома оройуонун государственнай баһаарынай надзор отделын начальнигынан үтүө суобастаахтык, үрдү таһаарыылаахтык үлэлээбитэ.
Норуот итэҕэлин ылан төрөөбүт дойдутугар Үөдэйигэр 2007-2022 сылларга Аҕа баһылыгынан 3 төгүл талыллан “Үөдэй нэһилиэгэ” муниципальнай тэриллии баһылыгынан ситиһиилээхтик, таһаарыылаахтык, өрө көтөҕүллүүлээхтик үлэлээн кэлбитэ.
Үлэлиир сылларын устатын тухары саҥаттан саҥаны киллэрэн үгүс үлэни ыыппыта. Ол курдук, нэһилиэк инники сайдыытыгар сүдү үлэлэри оҥорон үйэ саас тухары оҕо-ыччат сайдарыгар сөптөөх усулуобуйаны тэрийэн, сайдар суолу сөптөөхтүк тобулан бары хайысхаҕа үйэлээх үлэни хаалларда…
Семен Владимирович Нам улууһугар бары эйгэҕэ биир бастыҥ кэккэлэргэ сылдьар Аҕа баһылык этэ. Кини нэһилиэктэр баһылыктарын түмсүүтүн бэрэссэдээтэлинэн, ат спордун федерациятын тутаах киһитинэн, улуус хамыыһыйатын араас эйгэ боппуруостарын салааларыгар биир тумус туттар, инники күөҥҥэ сылдьар ытыктанар, убаастанар киһи этэ….
Нэһилиэгин дьонун туохтааҕар да ордук харыстыыра, көмүскүүрэ. Сааскы халаан уутугар, онтон да атын ыксаллаах быһыы-майгы боппуруостарыгар, араас кыһалҕаларга норуотун көмүскээбит, быыһаабыт амарах дууһалаах бастыҥ үрдүк таһымнаах салайааччы этэ. Семен Владимирович ылыннарыылаах тыла-өһө, үрдүкү салалтаҕа күүстээх туруорсуута нэһилиэгин сайдыытыгар бигэ тирэх буолбута, саҥа оскуола, саҥа балыыһа, саҥа уһуйаан, култуурунай-спортивнай эбийиэк, саҥа таас дьиэлэр, оҕо-аймах, дьиэ кэргэн дуоһуйа сынньаналларыгар мини-паарка, онтон да атын федеральнай таһымнаах бырагыраамалар олоххо киирбиттэрэ.
Кини бэйэтин тула үлэлиир хамаандатын биир тэтимҥэ тутан, барыларын биир санааҕа түмэн, салайар дьоҕурдаах, ирдэбиллээх хаачыстыбатынан үгүһү-элбэҕи ситиспиттэрэ.
Семен Владимирович таһаарыылаах үлэтэ үрдүктүк сыаналанан РФ ыксаллаах быһыы-майгы министерствотын бирикээһинэн “За отличие в службе” III степеннээх мэтээлинэн, СӨ “Гражданскай килбиэн”, “СӨ муниципальнай сулууспа туйгуна”, “СӨ муниципальнай сулууспа бэтэрээнэ”, “Нам улууһа муниципальнай тэриллии социальнай-экономическай сайдыытыгар” кылаатын иһин, Нам улууһа муниципальнай тэриллии уонна Нам улууһун Үөдэй нэһилиэгин “Ытыктабыллаах киһитэ” анал бэлиэлэринэн наҕараадаламмыта элбэҕи туоһулуур. Маны таһынан Саха Республикатын Правительствотын, Ил Түмэн Государственнай мунньаҕын, онтон да атын министерстволар, ведомствалар бочуотунай грамоталарынан, махтал суруктарынан наҕараадаламмыта.
Олоҕун тиһэх күннэригэр дылы кэргэнинээн Антонина Васильевналыын ыал буолан, дьиэ-уот туттан, тапталларын туоһутунан икки кэрэчээн кыыс оҕону күн сирин көрдөрөн, минньигэс сиэннэрдэнэн “эһээ” аатын ылан ньир-бааччы олорбута…
Быйыл Нам улууһугар ыытыллыбыт муниципальнай таһымнаах быыбарга өссө төгүл норуот билиниитин итэҕэтиилээхтик ылан Нам улууһун мунньаҕын депутатынан талыллан таһаарыылаахтык улуус сайдыытыгар баай билиитин, уопутун ууран туран үлэлээн испитэ…өссө да элбэҕи оҥоруохтааҕа хааллаҕа…
Дьылҕа хаан аҕыйах кэми биэрэн, оҥоруохтааҕын ситэ оҥотторбокко бу дьыл ахсынньы 17 күнүгэр соһуччу ыалдьан олохтон туораан биһиги кэккэбититтэн олохтон туораата…
Семен Владимирович чахчы норуот киһитэ – нэһилиэгин дьонун олоҕун-дьаһаҕын тупсарыыга, нэһилиэк инники сайдыытыгар туох-баар билиитин-көрүүтүн, олоҕун уопутун барытын ууран туран, муударай өйүнэн, Үөдэйин нэһилиэгин, Намын улууһун, Сахатын сирин аатын – суолун өрүү үрдүктүк тутар Ытык киһибитин умнуохпут суоҕа, сырдык, үтүө мөрсүөнэ биһиги сүрэхпитигэр куруук тыыннаах сылдьыаҕа…
«Үөдэй нэһилиэгэ» муниципальнай тэриллии дьаһалтата, депутаттара
***
Владивосток куоракка эдьиийин Екатерина Владимировнаны кытта биир кэмҥэ үөрэммит доҕоттор ааттарыттан Семен Владимирович дьиэ кэргэнигэр, чугас дьонугар, аймахтарыгар дириҥ кутурҕаммытын тиэрдэбит…
Выражаю огромную скорбь по поводу безвременной кончины горячо любимого супруга, отца, деда, брата, главы села Едейцы с 2007 года по 2022й год Семена Владимировича Ядреева его жене Антонине Васильевне, детям, внукам, всем родным, сестре Екатерине Владимировне, с которой мы учились в одно время в г.Владивосток.
Позвольте мне немного вспомнить о нем, таком замечательном руководителе и Человеке с большой буквы…
В бытность куратором улуса мне повезло познакомиться с Семеном Владимировичем. Он разительно отличался от других глав поселений каким-то своим внутренним колоритом, благородством, опытностью, спокойным и мудрым характером. Он у всех, с кем работал хоть какое-то малое время, беспрекословно вызывал к себе чувство безмерного уважения. За 15 лет работы главой села Семеном Владимировичем был сделан огромный вклад в развитие родного наслега, построено много самых ключевых объектов, решены проблемные вопросы, не решавшиеся десятилетиями. Конечно же, для этого от него требовалось приложить максимум своих усилий и возможностей, иногда возможно и в ущерб своему здоровью, как сейчас понимаем, наверное, многие…
Была поражена его годами выпестованной системной работой по преодолению трудных паводковых времен, как у него каждый сотрудник четко знал свои обязанности и полномочия, как он немногословно и спокойно разруливал иногда очень сложные проблемы, возникающие в те дни. А его легендарную зеленую доску с показателями, которые он лично мелом наносил, знали все главы поселений и не только, следили за этой доской с замиранием сердца все, кто был задействован в вопросах прохождения паводка по улусу. Однажды он меня с исполняющим обязанности главы улуса даже предостерег от принятия необдуманного решения, что потом после паводка доказало правоту Семена Владимировича.
Отчеты Правительства республики перед населением в селе всегда проходили очень интересно и насыщенно. Было видно сразу, как его уважают сельчане, как прислушиваются к его словам, как поддерживают своего главу.
Как истинный руководитель, всего себя отдавший родному селу, он воспитал достойную замену и на последних выборах не стал ставить свою кандидатуру, а всю работу провел для того, чтобы победу одержал его преемник. Этот поступок показывает благородство всех его помыслов, глубокую мудрость настоящего руководителя и его безмерную любовь к своему родному селу и своим землякам…
Пусть земля родная будет пухом Вам, покойтесь с миром, уважаемый и дорогой Семен Владимирович…
Куратор Намского улуса от Правительства
Республики Саха (Якутия) в 2018-2023гг,
Председатель Госкомцен РС(Я) 2014-2023гг
Винокурова Антонина Борисовна
Семен Владимирович Ядреевы кытта бырастыылаһыы ахсынньы 20 күнүгэр 10:00 ч. Үөдэй нэһилиэгэр И.Зырянов аатынан култуурунай-спортивнай комплекс дьиэтигэр ыытылларын бар дьоҥҥо биллэрэбит.
«Үөдэй нэһилиэгэ» МТ дьаһалтата, нэһилиэк депутаттара