Ахсынньы 16 күнүгэр Дьокуускай куоракка Саха Кэнгириэһин Сүбэтин 2023 сыллааҕы уочараттаах конференцията буолан ааста. Сүбэ састаабыгар 45 киһи баарыттан 28 киһи кэлэн кворум туолла. Куорат тас өттүттэн Нерюнгриттан Данилова А.З., Баппаҕаайыттан Николаев Е.А., Чурапчыттан Дьячковскай М.В., Уус Алдантан Пермяков П.В., Хаҥаластан Константинова Л.Д., Намтан Константинов Э.В.(Ил Түмэн депутата) , Горнайтан Лю Фа А.В. айаннаан кэлэн кыттыыны ыллылар.
Мунньаҕы Кэнгириэс Сүбэтин бэрэссэдээтэлэ С.Оготоев иилээн — саҕалаан ыытта. Маҥнайгы боппуруоһунан Кэнгириэс правлениетыгар саҥа үс киһини талыы буолла. Сүбэ дьоно биир киһи курдук куоластаан Ил Түмэн депутатын Никита Тимофеевы, биллиилээх общественнай диэйэтэли Павел Ксенофонтовы, үүнэн иһэр эдэр политигы Алена Сысолятинаны таллылар. Мунньах кыттыылаахтара кэҥгириэс правлениетын састааба күүһүрбүтүн, саҥа састааптан элбэҕи күүтэллэрин бэлиэтээтилэр.
Саха Кэнгириэһин киһитэ Алла Ноговицына РФ судаарыстыбаннай тылга сокуонугар уларытыылары киллэрии туһунан федеральнай сокуон бырайыагын омсолоох өрүттэрин туоратар этиилээх суругу госдума депутаттарыгар Саха Кэнгириэһин аатыттан ыытарга этиитин Сүбэ дьоно өйөөтүлэр.
Алла Ноговицына Е. Ярославскай аатынан Саха сирин судаарыстыбаннай музейа быстар мөлтөх туруктааҕын туһунан этиитин болҕомтоҕо ыларга, боппуруоһу үөрэтэн, киирбит этиилэри учуоттаан Саха Кэнгириэһин аатыттан Ил Дархаҥҥа аадырыстаан сурук киллэрэргэ быһаардылар.
Маны таһынан Вилюяна Никитина РФ правительствотын иһигэр оҥоһулла сылдьар РФ тылларга судаарыстыбаннай политикатын концепциятын туһунан кэпсээтэ. Кини бу концепция Россия республикаларын интириэстэрин учуоттаабат вариана баарыттан дьиксинэрин эттэ. Сүбэ дьоно маннык концепция ылыллан хаалбатын туһугар эрдэттэн хайыҥ охсунан көмүскэнэр ис хоьоонноох суругу кэҥгириэс аатыттан дойду салайааччытыгар сурук ыытарга быһаарыы ылыннылар.
Бу ыстатыйа автора Саха сирин ытык дьонун аата умнууга хаалбатын туһугар үлэлиир «Ытык ааттар» диэн республика үрдүнэн үлэлиир общественнэй тэрилтэни олохтуур уолдьаспытын туһунан этии киллэрдэ. Бу боппуруоһу дьүүллэһэн баран Кэнгириэс правлениета быһаарарыгар этилиннэ.
Мунньах куоластааһыннаах чааһа бүппүтүн кэннэ төгүрүк остуол буолла. Манна сүнньүнэн тыа сирин кыһалҕаларыгар тохтоотубут. Мунньах кыттыылаахтара бу боппуруоска Хаҥалас Хоточчутуттан киирбит журналист — фермер Полина Николаева, тыа хаһаайыстыбатын специалиһа Михаил Миронов, Баппаҕаайы нэһилиэгин баһылыга Егор Николаев этиилэрин болҕойон иһиттилэр. Кэлиҥҥи сылларга кэнгириэс бу хайысхаҕа үлэтэ бытаарбыта бэлиэтэннэ. Онон сибээстээн Кэнгириэс иһинэн тыа сирин боппуруостарыгар үлэлиир кэмитиэти уонна күүстээх экспертнэй бөлөҕү тэрийэр наадата бэлиэтэннэ.
Уйбаан Самаайап, Саха Кэнгириэһин председателэ.
Ахсынньы 16 күнэ, 2023 сыл.
Уйбаан Самаайап Телеграмм каналыттан:
https://t.me/ivanshamaev52/1925
Саха Кэнгириэһин туһунан постарым:
Саха Кэнгириэһин Сийиэһин болдьоҕо быһаарылынна!
15.02.2019 г. Пленарное заседание III Конгресса Саха!
О конгрессах народа Саха. Дайджест интернета и прессы!
16.02.2019 г. Секции III Конгресса саха!
Саха Кэнгириэһин сийиэһин тэрээһинигэр харчы хомуура. Биллэрии
Саха Кэнгириэһин сийиэһин туһунан
Мой сайт: https://nikbara.ru/ — блог о разных интересных событиях
Сайт об усадебном хозяйстве в Якутии https://usadbaykt.ru/
Мой канал в «Яндекс Дзен» — NikBara
Мой блог в “Блогах Якутии” https://blogi.nlrs.ru/author/88287 — архив моих постов в Дневниках Якт.ру и новые посты о культурных событиях.
Просьба подписаться на мой канал «Николай Барамыгин» на Ютуб!
https://www.youtube.com/c/НиколайБарамыгин
И на мои аккаунты в социальных сетях!
«Одноклассниках» https://ok.ru/profile/500676253992
«В контакте» https://vk.com/nbaramygin
Мой канал в «Телеграм» https://t.me/nikbaraykt