Нам улууһугар Саха Республикатын народнай суруйааччытын Николай Лугинов үбүлүөйэ

2023 с. алтынньы 20 күнүгэр Эҥсиэли хочотугар кэрэ бэлиэ күн буолан ааспыта — СӨ культуратын үтүөлээх үлэһитэ, Саха норуодунай суруйааччыта, Казахстан Республикатын «Алаш» литературнай бириэмийэтин лауреата, СӨ П.А. Ойуунускай аатынан Государственнай бириэмийэтин лауреата, саха биллиилээх поэта, кириитигэ, тылбаасчыта, кыраайы үөрэтээччитэ, общественнай деятелэ, дириҥ, талааннаах айымньыларынан чахчы даҕаны саха литературатын тулхадыйбат тулааһына буолбут Николай Лугинов ыалдьыттаата.

Н.А. Лугинов Нам улууһун дьонун кытары көрсүһүүлэрэ Хамаҕатта орто оскуолатыттан саҕаламмыта.

Онтон кэргэнин Наталья Егоровна Терехова дойдутугар Модут нэһилиэгэр орто оскуолата үөрэнээччилэриниин уонна төрөппүттэриниин көрсүһүү буолан ааспыта.

Модут нэһилиэгин баһылыгын эҕэрдэтэ.

Өр сыл Модут оскуолатын директорынан үлэлээбит Владимир Гуляев эҕэрдэтэ.

Модут оскуолатын оҕолоругар ыытыллыбыт Н.А.Лугинов «Кустук» сэһэнинэн комикс конкурсун түмүктэрэ.

Нам сэлиэнньэтигэр соторутааҕыта тутуллубут М.К. Аммосов аатынан культура уонна духуобунай сайдыы дыбарыаһыгар экскурсия буолан ааста.

Намнааҕы кииннэммит библиотечнай ситим СӨ норуодунай суруйааччыта Николай Лугинов үбүлүөйүгэр аналлаах «Нам сириттэн кынаттанан» диэн кинигэ быыстапкатын туруорда. З.П.Винокуров аатынан Намнааҕы оҕо искусствотын уонна улуус орто оскуолаларын үөрэнээччилэрин уруһуйдарын быыстапката турда.

Күнүс 15:00 чаастан Николай Алексеевич Лугинову 75 үбүлүөйдээх сааһынан чиэстээһин үөрүүлээх тэрээһинэ буолла.
Тэрээһини улуустааҕы кииннэммит библиотечнай ситим дириэктэрэ Майя Софронова иилээн – саҕалаан ыытта уонна Н.А.Лугинов айымньытынан туруоруллубут литературнай дьүһүйүүнү көрдөрүүттэн саҕаланна.

Тэрээһин кэпсэтии быһыытынан истиҥник ааста.

Нам улууһун баһылыга Юрий Слепцов Николай Алексеевич Лугинову 75 сааһын туолбут үбүлүөйүнэн улуус олохтоохторун, общественноһын уонна тус бэйэтин аатыттан итиитик-истиҥник эҕэрдэлээтэ, Эҕэрдэ сурук, «За вклад в развитие культуры МО «Намский улус» бочуоттаах бэлиэни, үс атахтаах сахалыы чороон бэлэх туттарда. Талба талааннаах суруйааччы быһыытынан республикабыт литературата сайдарыгар, Аан дойду таһымыгар биллэригэр үтүмэн үтүөтүн-өҥөтүн иһин махталын уонна киэн туттарын эттэ. Инникитин даҕаны төрөөбүт норуотун аатын куруук киэҥ араҥаҕа үрдэтэн, айар үлэтэ айымньылаах аартыга арылларыгар баҕа санаатын эттэ.

Ленскэй уонна Модут нэһилиэктэрин баһылыктара, “Отуу уота» литературнай түмсүү чилиэттэрэ, Кэбээйи улууһун түмсүүтэ эҕэрдэлээтилэр, тыыннаах сибэкки дьөрбөтүн уонна Махтал, Эҕэрдэ суруктары, сэмэй бэлэхтэрин туттардылар.

Нам улууһугар олорор Кэбээйиттэн төрүттээх Н.А.Лугинов биир дойдулаахтар эҕэрдэлээтилэр.

Нам улууһун «Отуу уота» суруйааччылар түмсүүлэрин аатыттан эҕэрдэ тыллары эттилэр Алексей Татаринов уонна 93-саастаах Иван Бубякин.

Наталья Егоровна Терехова аймахтарын аатыттан тыл эппиппит.

Олоҥхо Киинин аатыттан Ульяна Флегонтова уонна Духуобунас Академиятын аатыттан Валентина Бочонина эҕэрдэ тыллара.

СХПК «Эрэл» аатыттан Куприян Протопопов эҕэрдэтэ.

Тэрээһини СР норуодунай артыыстара Александр Емельянов, Анегина Дьяконова, «Мичээр» үҥкүү ансаамбыла, ырыа коллективтарын музыкальнай эҕэрдэлэрэ киэргэттилэр.

Бибилэтиэкэ коллективын уонна Художественнай оскуола эҕэрдэлэрэ.

СӨ норуодунай суруйааччыта Николай Лугинов ураты истиҥ көрсүһүүлэр, уун утары олорон кэпсэтиилэр, сэһэргэһиилэр тэриллэн ыытыллыбыттарыгар улуус баһылыга Юрий Слепцовка, улуустааҕы культура уонна духуобунай сайдыы управлениетыгар дириҥ махталын биллэрдэ.

Источник: «Нам улууһа» МТ пресс-сулууспата

Мин блогпар Саха литературатын туһунан:

Завершение года 105-летия Ильи Винокурова — Чаҕылҕан! Декабрь 2019 года.

20-летие Википедии. Википедия по якутски!

Презентация 3-й книги Матвея Мучина «Дьылҕам кэрэһиттэрэ»

20 лет под звон бубенцов

Онлайн встреча «Давайте вспомним…» памяти Василия Харысхала…

Книга о якутянах в 1-й мировой войне! Успейте сделать заказ!

«Предтеча» — презентация книги о трех великих тойонах имперской Якутии

Былатыан Ойуунускай – XXI-с үйэ дьонугар сахалыы тыыны тутар дьаакыр, сайдар суолу ыйар маяк

Өксөкүлээх — сахаларга этиитэ.

Якутск в романе Андрея Геласимова «Холод»